اوا خوشان کیو بومان صف تھے مہ دیریتانی روۓ
بغاۓ رقیبو سو رے ہوست دیتی پاشیتانی روۓ
ناگاہ بیریوم مہ ژانے تہ عشقہ لاھاس بیتی لا۔
انگار ھاش نوریمان لا صف تھے مت ہاش ریتانی روۓ۔۔
اوا مجنون و غونہ خوش روۓ دیوانہ غیریکو۔
کوری گھپالا بھتان صحرائی کسیتائی روۓ۔
کیچا مشکل مہ ژانے زمانہِ عاشقی دی
چھوچھو بالاھان انگیاٶ مہ سو تھے چکیتانی روۓ۔
امید ھاش نو اوشوۓ لا بوۓ رے محبت مہ ناکام ۔
کیچاظالم دور ھاۓصف تھے تہ شوریتانی روۓ۔
دنیائی ہاش مہ ژانے کیچا ہموش ظلم ہوۓ یار۔
کوری جادو لا ژانے ہردیان نیورتانی روۓ
ارینی تامہ سر جدا ژان روۓ تہ گانی اوانی۔
بے مقصد زندگیو متینن پھچیتانی روۓ۔۔۔
ژان روۓ تو کیچا بغاٶ تان۔ آزلان۔ و شکست کوری
اوا دونیمان لا ژان تاتنین کیاغ ریتانی روۓ۔
کوئی تبصرے نہیں:
ایک تبصرہ شائع کریں