اوا تہ یادا پھچوم رے متین تھے ھش تان سریران
خوشے نصیب بیکو جدا دنیا دی ویران سریران
گیلاخور کوستن کوروم ژان لا یہ قسمتو کمی
شیرو قسمتو فیصلہ دی مت زیدان سریران
اینگار مہ فان دیتی لا تو بغاٶ رقیبو ہوستی
کیچا شکست مہ ارو بیریکوتن ارمان سریران
اوا امیدان یارے نون صف تھے بیلی نیشیتم
کیچاقسمت مہ شیرائی متن دی حیران سریران
ژانے تہ عشقہ ہنون تہ پاگلو ہاش حالت ہوۓ۔
یہ لاش گیرینش دی متن ای چھویو خفتان سریران
آزلان۔ لمحہ دی مہ بو کروچ بیتی جہانی اسوم
واخور طالب نو کوروم وادی بوم پیشمان سریران
اوا خوشان کیو بومان صف تھے مہ دیریتانی روۓ
بغاۓ رقیبو سو رے ہوست دیتی پاشیتانی روۓ
ناگاہ بیریوم مہ ژانے تہ عشقہ لاھاس بیتی لا۔
انگار ھاش نوریمان لا صف تھے مت ہاش ریتانی روۓ۔۔
اوا مجنون و غونہ خوش روۓ دیوانہ غیریکو۔
کوری گھپالا بھتان صحرائی کسیتائی روۓ۔
کیچا مشکل مہ ژانے زمانہِ عاشقی دی
چھوچھو بالاھان انگیاٶ مہ سو تھے چکیتانی روۓ۔
امید ھاش نو اوشوۓ لا بوۓ رے محبت مہ ناکام ۔
کیچاظالم دور ھاۓصف تھے تہ شوریتانی روۓ۔
دنیائی ہاش مہ ژانے کیچا ہموش ظلم ہوۓ یار۔
کوری جادو لا ژانے ہردیان نیورتانی روۓ
ارینی تامہ سر جدا ژان روۓ تہ گانی اوانی۔
بے مقصد زندگیو متینن پھچیتانی روۓ۔۔۔
ژان روۓ تو کیچا بغاٶ تان۔ آزلان۔ و شکست کوری
اوا دونیمان لا ژان تاتنین کیاغ ریتانی روۓ۔
خیالا سرور ہوئی تہ پوشکو سو
ہردی دی بو خور ہوئے تہ پوشیکو سو
تو کیچا ہش شییلی ریمان اے مہ دوردانہ
تہ لوڑی غیچ کھور ہوۓ تہ پوشیکو سو
صف ای بے غراز اسیکہ یہ عالمہ ژان
کھول عالم ای شور ہوئے تہ پوشیکو سو
اسمانہ ہے یور دی توری تہ سورا مہ ژان
تاسو گیاٶ ہم جور ہوۓ تہ پوشیکو سو
کیا گلہ مسوتتن کوروم ہوۓ لا یہ خفتان
توروشتی بے نور ہوۓ تہ پوشیکو سو
نہ گلہ ہرینوتن ژان ہوٶ تو مخاموخ
ہارن دی چور چور ہوۓ تہ پوشیکو سو۔
لاکیکو باغو بستانہ خوش روۓ تو قدم
گلاب دی موصور ہوۓ تہ پوشیکو سو
ای پوشی تہ مس موخو میرژوری پری۔
دونیکا مجبور ہوئے تہ پوشیکوسو
آزلان ہمیشہ ہوتم تہ عشقہ پاگل
ہردیو قصور ہوئی تہ پوشیکو سو۔۔
